SKÍÐAFERÐ TIL TÉKKLANDS

HELSTU UPPLÝSINGAR
 
      9 dagar / 8 nætur
     23. 2. - 3. 3. 2019   
      Lágm. 12 / hám. 20
      Hálft fæði
     Ferðir til og frá flugvelli
     Flug og flugvallaskattar
     Fararstjóri: Halldór Hreinsson
 

 

Enn á ný verður Ferðskrifstofan Íslandsvinir / Fjallakofinn-ævintýraferðir með sína árlegu skíðaferð til Tékklands, og að þessu sinni um mánaðarmótin febrúar/mars 2019. Og nú sem áður er það Halldor Hreinsson sem leiðir hópinn, en fullyrða má að mjög fáir, ef nokkrir, Íslendingar þekki Spindlerúv Mlýn svæðið eins vel og hann eftir allar þá skíða- og gönguhópa sem hann hefur farið með þangað, bæði sumar og vetur.

Spindlerúv Mlýn er stærsta skíðasvæði Tékklands og fjallaþorpið Spindlerúv Mlýn er staðsett í um 140km fjarlægð norðan við Prag, rétt við landamæri Póllands. Þorpið er í þjóðgarði sem nefnist Krokonosk eða Risafjöllin, og stendur í uþb.720m hæð yfir sjávarmáli. Þarna er ein vinsælasta útivistarperla Tékklands, bæði sumar og vetur.

Svæðið er rómað fyrir fjölbreytt úrval af skíðabrekkum fyrir allt skíðaáhugafólk. Á svæðinu eru einnig þrír snjó-brettagarðar, þar sem árlega eru haldin stór snjóbrettamót eins og   t.d. Snow Jam. Svæðið hefur því mikið verið notað af atvinnumönnum til æfinga. Þar að auki eru frábærar gönguskíðabrautir út um allt og t.d. er hægt að ganga yfir til Póllands og til baka á sama deginum. Yngri kynslóðin getur einnig haft nóg fyrir stafni þar sem það eru tveir glæsilegir skíðagarðar á svæðinu þar sem blandað er saman skíðaiðkun og annarri skemmtilegri vetrarafþreyingu.

Spindlerúv Mlyn skíðasvæðið skiptist í tvo megin hluta; Svatý Petr – Hromovka og Horni Misecky – Medvedin. Svatý Petr - Hromovkasvæðið er með hátt í 7 kílómetra af lyftum og er hækkunin allt að 450m. Horni Misecky – Medvedin svæðið er með vel yfir 7 kílómetra af lyftum og er hækkunin á svæðinu allt að 600m. Á báðum svæðum eru fjölmargir veitingastaðir og barir í brekkunum þar sem er hægt að gæða sér á ljúffengum veitingum.

Spindlerúv Mlýn svæðið er eitt besta skíðasvæði Tékklands hvort sem litið er til svigskíða-, snjóbretta- eða gönguskíðaiðkunar. 

Verð frá 199.900 kr

Staðfestingargjald 75.000 kr

Fjöldi farþega

Senda fyrirspurn um ferð Nánari upplýsingar
SKÍÐAFERÐ TIL TÉKKLANDS
SKÍÐAFERÐ TIL TÉKKLANDS
SKÍÐAFERÐ TIL TÉKKLANDS
SKÍÐAFERÐ TIL TÉKKLANDS

Ábendingar:
Fjallakofinn Aævintýraferðir/ Ferðaskrifstofan Íslandsvinir áskilur sér rétt til að hætta við ferð átta vikum fyrir brottför ef þátttaka er ekki næg.
Fjallakofinn Aævintýraferðir/ Ferðaskrifstofan Íslandsvinir og fararstjórar hennar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til. Forfallatrygging er ekki í boði í sérferðum ferðaskrifstofunnar. Í mörgum tilfellum er forfallatrygging innifalin í skilmálum greiðslukorta og/eða heimilis- og fjölskyldutrygginga fólks og er viðskiptavinum bent á að hafa samband við banka sinn eða tryggingarfélag til að kanna stöðu mála. Verð ferðar er háð almennum gengisbreytingum, en breytist ekki eftir að hún er að fullu greidd. 

Fjallakofinn-Ævintýraferðir/Íslandsvinir eru með skilmála sem unnið er eftir varðandi ferð sem þessa og lesa má um hér.