TÖFRAR GARDAVATNSINS

HELSTU UPPLÝSINGAR
 
  8 dagar / 7 nætur   Allur akstur skv. dagskrá
1. - 8. 6. 2019   Flug og flugvallaskattar
Lágm. 8 / hám. 15   Fararstjóri: Brandur Jón Guðjónsson
 Hálft fæði
 
 
 
NÁNAR UM FERÐINA

Gardavatnið á Ítalíu er stærsta stöðuvatn landsins og um stórbrotið landslagið við norður enda þess er frábært að ferðast. Það er ægifagurt í Riva del Garda, snarbrött fjöll rísa upp úr bláu djúpu vatninu, og bærinn kúrir í skjóli þeirra á flatlendinu norðan vatnsins.  Þessi bær er ekki eins „túrista“ troðinn eins og sumir aðrir við vatnið og því þægilegur að búa í. Þar eru fallegar byggingar, notalegt og afslappað andrúmsloft, og gaman að rölta um bæinn síðdegis og á kvöldin eftir vel heppnaðan ferðadag.

Þetta er ferð fyrir venjulegt fólk! Dagleiðirnar eru mjög fjölbreyttar, mis erfiðar vissulega, og þátttakendur þurfa að vera í þokkalegu formi til þess að njóta þess sem gert er, auk þess sem skilyrði er að þeir séu vanir hjólreiðum, því verið er á hjólunum meira og minna allan daginn nokkra daga í röð, og við mismunandi landfræðilegar aðstæður.

Þetta er svo sannarlega „njóta, en ekki þjóta“ ferð – Allt þarna er þannig að það er mikið álag á skynfærin, hvort sem talað er um augu, eyru, munn, nef eða húð; þetta landslag krefst tíma til þess að upplifa það og meðtaka að fullu, og síðan að anda að sér gróðurilmi og andrúmslofti fortíðar, en þó fyrst og fremst nútíðar. Og á meðan sólargeislarnir bæta D-vítamíni í kroppinn má hlusta á kvak í fugli eða suð í flugu, og svo er svo víða hægt að smakka góðan mat! Eina takmark hvers dags er að klára dagleiðina og njóta þess sem fyrir augu ber – og vera komin inn á hótel fyrir kvöldmatinn!

Alltaf verður verið á sama hótelinu og þar verða snæddir morgunverðir alla dagana og kvöldverðir fjögur kvöldin. Hótel Centrale er einfalt þriggja stjörnu hótel, en er, eins og nafnið bendir til, frábærlega staðsett í hjarta gamla bæjarins í Riva. Það stendur við höfnina og aðaltorg bæjarins. Útfrá hótelinu er síðan lagt af stað að morgni gangandi, hjólandi eða akandi í lengri eða styttri dagsferðir.

Allir þátttakendur verða á góðum fjallahjólum. Lang mestan hluta ferðarinnar er verið á bundnu slitlagi á umferðarlitlum götum, vegum og hjólastígum, en einnig á malarstígum, mis grófum, og sumsstaðar eru brattir kaflar þar sem farið er um. Í boði er að leigja rafhjól fyrir þau sem það þurfa eða vilja.

Verð frá 249.900 kr

Staðfestingargjald 75.000 kr

Fjöldi farþega

Senda fyrirspurn um ferð Nánari upplýsingar
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS
TÖFRAR GARDAVATNSINS

 


Ábendingar:
Fjallakofinn Aævintýraferðir/ Ferðaskrifstofan Íslandsvinir áskilur sér rétt til að hætta við ferð átta vikum fyrir brottför ef þátttaka er ekki næg.
Fjallakofinn Aævintýraferðir/ Ferðaskrifstofan Íslandsvinir og fararstjórar hennar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til. Forfallatrygging er ekki í boði í sérferðum ferðaskrifstofunnar. Í mörgum tilfellum er forfallatrygging innifalin í skilmálum greiðslukorta og/eða heimilis- og fjölskyldutrygginga fólks og er viðskiptavinum bent á að hafa samband við banka sinn eða tryggingarfélag til að kanna stöðu mála. Verð ferðar er háð almennum gengisbreytingum, en breytist ekki eftir að hún er að fullu greidd. 

Fjallakofinn-Ævintýraferðir/Íslandsvinir eru með skilmála sem unnið er eftir varðandi ferð sem þessa og lesa má um hér.