Fyrstu tvo dagana er hjólað í Austurríki og farið nánast í aflíðandi stíganda upp að landamærum Ítalíu, en þeim megin liggur leiðin síðan niður í móti aftur, fyrst í vestur en síðan í suður, og ferðinni lýkur á dásamlegum stað við norðurenda Gardavatnsins.
Nánast allan tímann er verið á bundnu slitlagi á góðum hjólastígum, en einstaka sinnum á umferðarlitlum götum eða malarstígum – hvergi bratt, hvergi tæpt um – en alls staðar fallegt!
Allan tímann verður farið um á þægilegum hraða til þess að njóta þess sem fyrir augu ber, og reglulega stoppað til þess að skoða áhugaverða staði, byggingar o.þ.h., að ógleymdu stórbrotnu landslaginu.
Gist verður á góðum tveggja, þriggja og fjögurra stjörnu gistihúsum og hótelum.
Fjölbreyttar dagleiðir, u.þ.b. 30 – 70 km og verandi á góðum rafhjólum (leigan á hjólunum er innifalin í verði ferðarinnar) hentar ferðin nánast hverjum sem er sem er vanur - og hefur gaman af - að hjóla!
Algjör hjálmaskylda er í öllum okkar hjólaferðum 😊
_ _ _
Mjög mikil þjónusta, m.a. fararstjóri og tveir aðstoðarmenn (bílstjóri og hjólandi aðstoðarmaður) sem sjá um að hlaða rafhlöður hjólanna og yfirfara þau eftir hverja dagleið. Bíllinn fylgir hópnum meira og minna allan tímann og hann verður notaður til þess að ferja farangurinn á milli hótelanna. Bílstjórinn hjálpar einnig til við hjólin ef þarf, eða hvað annað sem að uppá getur komið í ferðinni. Einnig sér hann um hressingarstopp sem tekin eru öðru hvoru á leiðinni
_ _ _
Hálft fæði +* = morgunverðir alla morgnana - 7 x kvöldverðir - ,,hressingar" á hjólaleiðinni, þó ekki hádegisverðir