Bled og nágrenni í Slóveníu
HELSTU UPPLÝSINGAR
Bled vatnið er mest sótti ferðamannastaður Slóveníu og ekki að undra; náttúrufegurð nær og fjær, veðursæld og snyrtilegt umhverfi búa saman til ógleymanlega upplifun!
Í þessari ferð verður dvalið á góðu, ný uppgerðu og flottu fjögurra stjörnu hóteli, Rikli Balance ****S hótel, mjög vel staðsettu í bænum Bled. Öll herbergi þessa hóps eru með útsýni út á vatnið, sem er sannkallað „póstkorta-landslag“!
Þrennt er það sem að einkennir Bled svæðið öðru fremur, fyrir utan auðvitað vatnið sjálft OG allt hitt:
Litla eyjan sem að gaman er að koma til, en þangað er ferðamönnum eingöngu fært með því að fara með sérstökum handrónum bátum, kölluðum „pletnas“.
Bled kastalinn sem stendur á litlum höfða uþb. 100 m fyrir ofan vatnið.
Hin víðfræga og gómsæta Bled-kaka „Kremsnita“ sem hefur verið bökuð óbreytt í 65 ár og er seld í hundruða þúsunda vís árlega er hverrar hitaeiningar virði!
Þó að þetta sé fyrst og fremst hugsað sem létt hjólaferð verður líka aðeins gengið um líka, en auk þess verður tími til þess að slaka á og skoða sig um í Bled. Og svo verða tvær flottar dagsferðir; rútuferð um falleg svæði á miðvikudeginum, og á föstudeginum verður svo farið til Postojna til þess að skoða eina frægustu dropasteinshella í heimi og í borgarskoðun í Ljubljana.
