Rafhjólaferð á fjallahjólum um suðvestur hluta Slóveníu og niðureftir vesturströnd Istriaskagans í Króatíu. Fjölbreyttar hjólaleiðir á góðum malar- og malbiks stígum um formfagurt og hæðótt landslagið á „Karst“ kalksteinshæðunum* í Slóveníu, sem um margt minnir á Toscana héraðið á Ítalíu, og síðan suður með klettóttri strönd Istria skagans, alveg niður til Pula sem er rétt syðst á skaganum.
Góðir gististaðir, í bland bæði hótel og gistihús. Kvöldmáltíðir þar eða í næsta nágrenni – kvöldmáltíðin 26. sept. verður hjá Simo Komel í Stanjel kastalanum, einum af betri kokkum Slóveníu, og lokamáltíðin síðan hjá Michelin-stjörnukokkinum Uros Stefelin á Hisa Linhart í Radovljica!
Tveir hjólandi fararstjórar verða með hópnum allan tímann
Bíll fylgir og bílstjórinn sér um trúss á farangri, auk þess sem hann kemur reglulega til móts við hópinn og sér um léttar veitingar á hjólaleiðinni
Þetta er algjörlega „njóta, en ekki þjóta“ ferð – Alltaf lagt af stað kl. 9, tekinn góður tími í dagleiðina, og eina takmark hennar verður að njóta hennar allrar og alls þess sem fyrir augu ber – hvers augnabliks í fullkominni núvitund og vissu um að hvert andartak er gjöf sem vert er að njóta – koma síðan inn á gott hótel og eftir frískandi sturtu tylla sér í góðan stól með svalandi drykk!
Mjög mikið innifalið í verði ferðarinnar!
*Á Wikipedia er þessi skýring á Karst:
Karst (eða Karst-landslag) er landslag sem myndast við efnaveðrun á kalksvæðum með lokuðum dölum, niðurföllum (þ.e. jarðföllum) og hellum og verður til þegar jarðvatn leysir kalkið upp og það berst burt
Smellið á Nánari upplýsingar hér ofar til hægri fyrir dagskrána, verð o.fl.