LEYNDAR OG LJÓSAR PERLUR #1 - HJÓLAFERÐ Í VESTUR-SKAFTAFELLSSÝSLU
HELSTU UPPLÝSINGAR
 |
5 dagar / 4 nætur |
 |
Á eigin vegum |
 |
14. - 18. 6. 2024 |
 |
Fararstjóri: |
 |
Lágm. 6/ Hám. 10 |
|
Brandur Jón H. Guðjónsson |
 |
Hálf-fullt fæði ;-) |
|
|
TREYSTU FARARSTJÓRANUM!
Í Vestur-Skaftafellssýslu eru margar náttúruperlur, sumar meðal þeirra mest heimsóttu á landinu, en aðrar minna þekktar og ekki endilega aðgengilegar öðrum en þeim sem þekkja vel til.
Brandur Jón er heimamaður og þekkir marga fallega staði sem hann leiðir hópinn um í þessari ferð – hvert nákvæmlega, það verður ekki að öllu leyti gefið upp – en byggist á trausti þátttakendanna til fararstjórans. Vissulega er hluti af því sem farið verður um þjóð- og jafnvel heimsþekkt, en annað svo vel varðveitt að þátttakendur verða að gefa loforð um þagmælsku og bannað verður að ,,pósta" myndum frá þeim stöðum!
Fyrst og fremst er þetta fjallahjólaferð, en stundum verður hjólunum lagt og gengið til þess að skoða eitthvað betur.
Hver hjólaleið verður að almestu leiti á malarvegum og jeppaslóðum og undirlagið mis gróft og því á köflum seinfarið. Á einstaka stað óbrúaðir lækir.
Ferðin hentar öllu þokkalega vönu hjólafólki – Áhersla á að njóta en ekki þjóta!
Hver og einn þátttakandi kemur með sitt eigið framdempandi eða fulldempandi fjallahjól til þess að nota í ferðinni - breið og gróf dekk skilyrði - ath. að þetta er algjörlega kjörið líka fyrir raf-fjallahjól!
Lágmark 6 manns / hámark 10 manns
Dagskrá:
Föstudagurinn 14. júní – mæting á Hótel Klaustur um kl. 16:30, byrjað á gönguferð í nágrenni hótelsins, kvöldverður og gisting. Gönguleið 5–7 km
Laugardagurinn 15. júní – ekið með hjólin út í sveit, ekki nánar tilgreint hvert. Hjólað og gengið um falleg svæði sem ekki eru beint í alfaraleið. Hjólaleiðin talsvert ,,tuðrótt" á köflum! Áætluð hjólaleið uþb. 20 km / gönguleið 5 – 7 km
Sunnudagurinn 16. júní – þessi dagur verður fyrst og fremst hjóladagur, talsvert langur reyndar! Áætluð hjólaleið uþb. 65 km. Í lok dags ekið til Víkur og gist í tvær nætur á hótel Kríu.
Mánudagurinn 17. júní – hjólað frá hótelinu. Áætluð hjólaleið uþb. 45 km / gönguleið 3–5 km
Þriðjudagurinn 18. júní – Ekið í vesturátt, stoppað á góðum stað og hjólað (og gengið) – hvar og hvert verður, eins og allt hitt, látið koma í ljós! Áætluð hjólaleið uþb. 10 km / gönguleið 3–5 km
Þessi ferð er unnin í samstarfi við hótel Klaustur á Kirkjubæjarklaustri ...
...og það er mikið innifalið í dvölinni þar, auk frábærrar þjónustu:
- Gisting í tvær nætur
- Morgunverðir
- Nesti fyrir tvo hjóladagana
- Þriggja rétta kvöldverðir á föstudegi og laugardegi (14. og 15. júní)
Og í samstarfi við hótel Kríu í Vík í Mýrdal ...
...og þar er einnig mikið innifalið:
- Gisting í tvær nætur
- Morgunverðir
- Þriggja rétta kvöldverður á mánudegi (17. júní)
Þjónusta & verð:
Innifalið:
- Gisting og máltíðir á Hótel Klaustri og Hótel Kríu (sjá hér ofar)
- Fararstjórn
- Skutl með fólk og hjól í eitt skipti
Ekki innifalið:
- Akstur að og frá Kirkjubæjarklaustri og Vík í upphafi og í lok ferðar
- Akstur til og frá upphafs- og endastöðum hjólaleiða
- Drykkir með kvöldverðum og annað það sem ekki er talið upp í „innifalið“
Verð:
Verð á mann í tveggja manna herbergi 169.900
Verð á mann í eins manns herbergi 249.900
Ábendingar:
Staðfestingargjald, kr. 40.000 þarf að greiða við skráningu - Athugið að staðfestingargjald fæst ekki endurgreitt ef til afbókunar af hálfu viðskiptavinar kemur.
Hægt er að velja um tvær leiðir við greiðslu staðfestingargjaldsins:
1) Í gegnum heimabanka: Kt. 470898-2919 (Íslandsvinir hf.) banki 0328-26-000288 - ath að áríðandi er að láta kerfið senda staðfestingu á greiðslunni á netfangið ferdir@fjallakofinn.is
2) Greiðslutengill fyrir greiðslu staðfestingargjalds með kreditkorti (smellið á hlekkinn eða takið afrit og límið á vafra): https://securepay.borgun.is/SecurePay/Ticket.aspx?ticket=OJwsYu9Rr
Eftirstöðvar þarf að greiða í síðasta lagi 3. júní 2024, með millifærslu eða kreditkorti í gegnum greiðslutengil
Lágmarks þátttaka er 6 manns. Fjallakofinn-Ævintýraferðir/Ferðaskrifstofan Íslandsvinir áskilur sér rétt til að hætta við ferðina ef þátttaka er ekki næg og mun þá endurgreiða að fullu.
Fjallakofinn-Ævintýraferðir/Ferðaskrifstofan Íslandsvinir og fararstjórar hennar og bílstjórar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til.
Hvert og eitt tekur þátt í ferðinni á eigin ábyrgð!
Sjúkdóma-, slysa- og forfallatryggingar eru ekki í boði í sérferðum ferðaskrifstofunnar. Í mörgum tilfellum eru slíkar tryggingar innifalar í skilmálum greiðslukorta og/eða heimilis- og fjölskyldutrygginga fólks og er viðskiptavinum bent á nauðsyn þess að hafa samband við banka sinn eða tryggingarfélag til að kanna stöðu mála.
Krafa er gerð um að þátttakendur séu í líkamlegu og andlegu standi til þess að taka þátt í dagskrá ferðarinnar og ferðaskrifstofan áskilur sér og fararstjórum allan rétt til þess að vísa þátttakendum sem ekki uppfylla þessi skilyrði úr ferðinni og er viðkomandi þar með búinn að fyrirgera rétti sínum til notkunar á þjónustu þeirri sem ferðin er byggð á og án þess að til greiðslu kostnaðar eða endurgreiðslu komi af hálfu ferðaskrifstofunnar.
Fjallakofinn-Ævintýraferðir / Ferðaskrifstofan Íslandsvinir er með skilmála sem unnið er eftir varðandi alferð sem þessa og lesa þarf um hér: http://ferdir.fjallakofinn.is/is/page/skilmalar
Skráning hér á heimasíðunni okkar eða með því að senda póst á ferdir@fjallakofinn.is
Farþegar í ferðum Íslandsvina / Fjallakofans- Ævintýraferða fá sérkjör í Fjallakofanum
