MEÐ DRÍFU OG SÖRU TIL SAALBACH
HELSTU UPPLÝSINGAR
 |
8 dagar / 7 nætur |
 |
Ferðir til og frá flugvelli |
 |
6. 2. - 13. 2. 2027 |
 |
Flug og flugvallaskattar |
 |
Hámark 25 |
 |
Fararstjórar: Drífa Harðardóttir og Sara Jónsdóttir |
 |
1/2 fæði |
|
|
SKEMMTILEG SKÍÐAFERÐ TIL SAALBACH HINTERGLEMM - MEÐ DRÍFU OG SÖRU!
Komdu með í austurrísku Alpana. Skíða- og útivistarkonurnar Drífa Harðardóttir og Sara Jónsdóttir leiða hóp til Saalbach Hinterglemm dagana 6.–13. febrúar 2027.
Þetta er ferðin þar sem snjór, sól, sturlað útsýni og Après-ski stemmning mætast í einni fullkominni viku.
Skíðasvæðið:
Saalbach Hinterglemm er eitt af stærstu og bestu skíðasvæðum í Ölpunum og tilheyrir Skicircus svæðinu sem er kallað ein mesta skíðaparadís Evrópu. Saalbach Hinterglemm, Zell am See, Kaprun, Fieberbrunn og Leogang. Svæðið er með 270 km af skíðabrekkum, skíðagöngusvæði og hefur frábært úrval af börum og veitingastöðum. Allir ættu því að geta fundið eitthvað við sitt hæfi, bæði byrjendur og vanir.
• 270 km af troðnum brekkum: (140 km bláar, 112 km rauðar og 18 km svartar).
• Lyfur: 70 nýtískulegar lyftur sem lágmarka allar biðraðir.
• Jökullinn Kitzsteinhor: Við nýtum tækifærið og skellum okkur líka upp á hinn stórbrotna jökul í Kaprun þar sem útsýnið og brekkurnar eru engu lík.
• Fjallaskálar: Yfir 60 notalegir fjallaskálar þar sem hægt er að gæða sér á þjóðlegum austurrískum kræsingum og fleiru í hádeginu.
• Après-ski: Svæðið fær 5 stjörnur (fullt hús stiga) fyrir Aprés skíðastemninguna þar sem Týrólamúsíkin ómar og skíðafólk safnast saman í lok dags.
Hótelið:
Hótel Saalbacher Hof verður bækistöð hópsins
Hótelið sem gist verður á er hið glæsilega 4-stjörnu Hótel Saalbacher Hof. Hótelið er staðsett í hjarta miðbæjarins í Saalbach og það eru aðeins um 50 metrar í næstu skíðalyftu. Eftir frábæran dag í brekkunum er ekkert betra en að slaka á í frábærri heilsulind hótelsins þar sem finna má upphitaða innisundlaug, þrjú mismunandi gufuböð (sauna) og notaleg slökunarherbergi. Innifalinn er morgunverður og glæsilegur kvöldverður á hótelinu alla dagana.
Fararstjórn:
Þær Drífa og Sara hafa báðar frá unga aldri stundað keppnisíþróttir og útivist af ýmsum toga og skipulagt margar ferðirnar. Skíðamennska þeirra hófst eins og hjá mörgum í Bláfjöllum sem lítil börn og hafa þær kynnst fjölda skíðastaða í Evrópu. Drífa stundaði skíði, æfði ballett og keppti á hestum og Sara var í landsliði í fimleikum og badminton og keppti út um allan heim - og fékk sinn fyrsta verðlaunapening einmitt í skíðaskóla í Kaprun 6 ára gömul.
Drífa og Sara munu brosa sínu breiðasta í skíðabrekkunum og halda uppi almennu stuði og prógrammi. Þær elska skemmtilegt og jákvætt fólk og munu leggja mikið upp úr því að allir fái að njóta sín í brekkunum og í ferðinni allri.
Í boði verður ferð upp á jökulinn í Kaprun, sleðakvöld, þemadagur, spiladagur, spadagur, svo eitthvað sé nefnt, það verður auglýst til þátttakendanna þegar nær dregur.
Innifalið í verði ferðar:
Flug:
Með Icelandair, flug og flugvallaskattar, 23 kg taska og 10 kg handfarangur*
06.02.2027: Icelandair, flug FI 532 Keflavík – Munchen, brottför 07:20 lending 12:05
13.02.2027: Icelandair, flug FI 533 Munchen – Keflavík, brottför 13:00 lending 16:00
Vinsaml. athugið að flugtímar geta breyst.
(Aukagjald fyrir skíðapoka kr. 16.800 samtals báðar leiðir er ekki innifalið**)
Gisting:
Hótel Saalbacher hof
Matur:
Hálft fæði á hótelinu: morgunverðir – kvöldverðir
Akstur:
Akstur milli flugvallar og hótels í upphafi og lok ferðar
Fararstjórn:
Drífa Harðardóttir og Sara Jónsdóttir
Ekki innifalið:
Hádegishressingar | Drykkir með kvöldverðum | Skíðapassi á svæðin í nágrenninu er EKKI innifalinn | Aukagjald fyrir skíðapoka í fluginu, samtals kr. 16.800 fyrir báðar leiðir** | Annað sem ekki er talið upp í „innifalið“
Nánar um skíðapassana: Þeir eru keyptir á staðnum og gilda á öll samtengdu svæðin, Zell am See, Saalbach Hinterglemm, Fieberbrunn, Leogang og Kitzsteinhorn Kaprun jökulinn.
Verð:
Verð á mann í tveggja manna herbergi 449.900
Á mann í eins manns herbergi 499.900
Greiðslur og gjalddagar:
Staðfestingargjaldið, kr. 100.000 þarf að greiða strax við pöntun. Það er óafturkræft ef þátttakandi hættir við.
Hægt er að velja um tvær leiðir við greiðslu þess, valið er á milli þeirra við skráningu á heimasíðunni.
Nánari upplýsingar má fá með því að senda tölvupóst á ferdir@fjallakofinn.is
Farþegar í ferðum Fjallakofans-Ævintýraferða / Íslandsvina hf. fá sérkjör í Fjallakofanum
* Félagar í Vildarklúbbi Icelandair safna punktum í þessu flugi - ekki er hægt að nýta Vildarpunkta Icelandair til greiðslu inn á hópferð sem þessa
** Verð hjá Icelandair fyrir skíðatöskur veturinn 2025-2026:
„Skíðataska um leið og miði er gefin út og fram að innritun er 16.800 - við innritun og á vellinum 21.800“
