OKTOBERFEST Í MÜNCHEN

HELSTU UPPLÝSINGAR

	4 dagar /3 nætur		Lestarferðir skv. dagskrá
	3. - 6.10. 2025		Flug og flugvallaskattar
	Hámark 30		Fararstjóri: Halldór Hreinsson
	Hálft fæði *

LOKAHELGIN Á STÆRSTU BJÓRHÁTÍÐ Í HEIMI

UPPSELT ER Í ÞESSA FERÐ OG EKKI HÆGT AÐ VERA Á BIÐLISTA ÞAR EÐ HANN ER NÚ ÞEGAR OF LANGUR!

Oktoberfest, stærsta bjórhátíð í heimi, er haldin árlega í Munchen, höfuðborg Bæjaralands í Þýskalandi. Árlega sækja hátíðina um 6 – 7 milljónir gesta sem koma til þess að upplifa stemninguna, hitta mann og annan, borða bæverskan mat, og, síðast en alls ekki síst, drekka bjór! Áætlað er að um 7 milljónir lítra af sérbrugguðum – og sérstyrktum – hátíðarbjór renni niður kverkar gestanna á þessum rétt rúmum tveimur vikum sem hátíðin stendur.

Stemningin er eitthvað sem hrífur alla með sér, líka þau sem ekki drekka bjór! Sérstök upplifun er að vera á svæðinu um loka helgina til þess að fylgjast með lokun hátíðarinnar á sunnudeginum við Bavaria styttuna sem vakir yfir hátíðarsvæðinu í Theresienwiese garðinum.

Í Munchen er svo líka ótalmargt áhugavert að skoða; byggingar, söfn o.fl.

Gisting og morgunverðir á hótel Maritim, mjög vel staðsettu m.t.t. dagskrár ferðarinnar

Dagskrá:

Dagur 1 - föstudagur, 3. október

Flug – lestarferð – hótel

Flogið með Icelandair kl. 07:20 til Munchen, lending þar er áætluð kl. 13:05 og þaðan er svo uþb. 45 mín. lestarferð inn í miðborgina.

Frá aðallestarstöðinni Hauptbahnhof er einungis uþb. 7-10 mín. gangur á hótel Maritim. Eftir innritun verður síðan gengið upp á hátíðarsvæðið, kíkt á stemninguna, farið í eina af bjórhöllunum og já, „et, drekk og ver glaðr“.
3. október, Sameingingardagurinn, er opinber frídagur í Þýskalandi, svo það má búast við enn meira lífi í borginni en venjulega, og er það þó mikið fyrir!

Dagur 2 - laugardagur, 4. október

Októberhátíðin o.fl.

kl. 16:00 verður aftur farið í eina af stóru bjórhöllunum til þess að taka þátt og upplifa stemninguna.
Hvað gert verður fram að því er algjörlega opið, fararstjórinn er til aðstoðar ef vilji einhverra úr hópnum er fyrir því að fara eitthvert ákveðið – ath. að allar verslanir í Munchen eru lokaðar á sunnudögum, svo fyrripart þessa dags er eini möguleikinn til að kíkja í búðir!

Dagur 3 - sunnudagur, 5. október

Lokadagur hátíðarinnar!

Sérstök lokaathöfn hefst kl. 12:00 á hádegi við fætur Bavaria styttunnar. Þar er haldið í þá aldagömlu hefð að skjóta púðurskotum og mynda með því bæði hávaða og hvítan reyk, og það eru u.þ.b. 60 manns sem sjá um að skjóta burt hátíðina með þessum hætti. Allt er þetta gert með blessun frá ungri konu klæddri í svartan kufl með gulum/gulllituðum boðungum, í takt við mannveruna í skjaldarmerki borgarinnar; Münchner Kindl. Lokalag hátíðarinnar er samkvæmt hefðinni þjóðsöngur Bæjaralands
Seinnipartinn er svo upplagt að fara í skoðunarferðir um borgina.

Dagur 4 - mánudagur, 6. október

Heim á leið ...

Eftir morgunverðinn verður farið með lest til flugvallarins, flugið heim er kl. 14:05, áætluð lending kl. 16:00

__________________________________________________________________________________________________

UPPSELT ER Í ÞESSA FERÐ OG EKKI HÆGT AÐ VERA Á BIÐLISTA ÞAR EÐ HANN ER NÚ ÞEGAR OF LANGUR!

Hálft fæði * - kvöldverðir/bjórhátíðarmáltíðir föstudags- og laugardagskvöld

Verð frá 269.900 kr

Staðfestingargjald 75.000 kr

Fjöldi farþega

Senda fyrirspurn um ferð

Ábendingar:

Lágmarks þátttaka er 15 manns. Fjallakofinn-Ævintýraferðir/Ferðaskrifstofan Íslandsvinir áskilur sér rétt til að hætta við ferðina ef þátttaka er ekki næg, og mun þá endurgreiða að fullu.

Fjallakofinn-Ævintýraferðir/Ferðaskrifstofan Íslandsvinir hf., fararstjórar hennar og bílstjórar, áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til.

Hvert og eitt tekur þátt í ferðinni á eigin ábyrgð!

Sjúkdóma-, slysa- og forfallatryggingar eru ekki í boði í sérferðum ferðaskrifstofunnar. Í flestum tilfellum eru slíkar tryggingar innifaldar í skilmálum greiðslukorta og/eða heimilis- og fjölskyldutryggingum og er viðskiptavinum bent á nauðsyn þess að hafa samband við banka sinn eða tryggingarfélag til að kanna stöðu mála.

Krafa er gerð um að þátttakendur séu í líkamlegu og andlegu standi til þess að taka þátt í dagskrá ferðarinnar og ferðaskrifstofan áskilur sér og fararstjórum allan rétt til þess að vísa þátttakendum sem ekki uppfylla þessi skilyrði úr ferðinni og er viðkomandi þar með búinn að fyrirgera rétti sínum til notkunar á þjónustu þeirri sem ferðin er byggð á og án þess að til greiðslu kostnaðar eða endurgreiðslu komi af hálfu ferðaskrifstofunnar.

Fjallakofinn Ævintýraferðir/Íslandsvinir eru með skilmála sem unnið er eftir varðandi ferð sem þessa og lesa má um hér.