SÓL OG SÁL Á TENERIFE

	11 dagar /10 nætur		Ferðir til og frá flugvelli
	10. - 20. febrúar 2025		Flug og flugvallaskattar
	Lágm. 8 / hám. 14		Fararstjóri: Margrét Steinunn Guðjónsdóttir
	Hálft fæði*

  VEGNA GÓÐRAR REYNSLU AF FERÐUM OKKAR Í FEBRÚAR 2023 OG 2024 HEFUR VERIÐ ÁKVEÐIÐ AÐ ENDURTAKA LEIKINN Í FEBRÚAR 2025  

TENERIFE OG ÞÚ, UM ÞIG, FRÁ ÞÉR, TIL ÞÍN

LÉTT ÍHUGUNAR- OG ÚTIVISTARFERÐ

Andleg og líkamleg næring, orkusöfnun og slökun. Allt í fullkomnu jafnvægi. Þetta lýsir innihaldi ferðarinnar okkar Sól og sál á Tene. Í skammdeginu á miðjum þorra hérna uppfrá er gott að stimpla sig út í nokkra daga, fljúga suður yfir höf og njóta sólar og sælu, afslöppunar, íhugunar og nærandi útiveru – í léttum æfingum, sólbaði við sundlaugar hótelsins, á ströndinni, eða í gönguferð.

Hluta úr deginum leiðir Margrét fararstjóri hópinn í þægilegri og nærandi dagskrá og þar verða í bland teygjuæfingar, leikfimi, hugleiðsla og útivera.
Hún er kennari og íþróttakennari, og hefur unnið sem slík í áratugi, en einnig er hún djáknakandídat og með diplóma í sálgæslu. Margrét hefur stundað útivist, heilsurækt og jóga til margra ára og hefur áhuga á samspili líkama og sálar.

Dagarnir hefjast á léttri gönguferð, teygjum, hugleiðslu og slökun. Margrét býður síðan upp á mismunandi dagskrá seinnipartinn, einn daginn verður t.d. boðið upp á að fara með strætó upp í Roques de García, sem er hluti af Teide þjóðgarðinum, til þess að rölta um þar og njóta fegurðar náttúrunnar (öll þátttaka í slíkri dagskrá er algjörlega valkvæð, og útlagður kostnaður við hana, ef einhver er, er ekki innifalinn í verði ferðarinnar – en fararstjórn Margrétar er að sjálfsögðu innifalin).

Að afloknum morgunverði verður blönduð dagskrá, aldrei eins, en þó alltaf sú sama; að slaka á og njóta, vera til og njóta, upplifa og njóta, styrkja líkama og sál – og njóta! Léttar æfingar – stuttar gönguferðir – hugleiðsla – skoðunarferðir – uppbyggileg samtöl – sandur – slökun – sæla! Synda í einhverjum af sundlaugum hótelsins, rölta á ströndina, sækja sér D-vítamín og smá lit á kroppinn í sólstól eða fara í heita pottinn í sundlauginni á þaki hótelsins – eða í gott endurnærandi nudd í heilsulindinni.

Tigotan er stórt og glæsilegt fjögurra stjörnu hótel og frábærlega staðsett á Amerísku strönd Tenerife. Þaðan er stutt í allar áttir: á ströndina og í verslanir og á veitingastaði.

Sundlaugar, barir, veitinga-staðir, heilsulind með sauna og nuddi (ath. það þarf að panta með góðum fyrirvara), nektarsvæði fyrir þau sem vilja kasta klæðum um stund, og að sjálfsögðu mjög góð sólbaðsaðstaða.

Öll herbergi á Tigotan, sem frátekin eru fyrir hópinn, eru nýlega uppgerð De-Luxe herbergi.

Heimasíða hótelsins

Hér má sjá myndir frá hótelinu

Stórt og þægilegt útisvæðið er eitt og sér alveg „nóg“, en þaðan er líka stutt að ganga niður á strönd eða til þess að kíkja í verslanir o.fl.

Tenerife (2.034m²) telst til Spánar, hún er stærsta eyjan í Kanaríeyja klasanum og sú fjölmennasta, með uþb. 967.000 íbúa, auk þess sem þangað koma uþb. 5 milljónir ferðamanna árlega til þess að njóta þess milda veðurfars sem þar ríkir allt árið um kring. Höfuðborgin Santa Cruz de Tenerife er á norðurhluta eyjunnar. Hæsti punktur er eldfjallið Teide 3.718 m.y.s., það er hæsta fjall Spánar og þriðja hæsta eldfjall í heimi, og landslagið og náttúrufar eyjunnar ber þess merki með ríkum hætti.

Ferðaráætlun:

Dagur 1 – mánudagur, 10. febrúar

Flogið með Icelandair kl. 08:40 til Tenerife, áætluð lending kl. 14:05 og þaðan er stuttur akstur yfir á hótelið.

Dagur 2 - 10 – þriðjudagur til miðvikudags, 11. - 19. febrúar

Hver dagur byrjar á gönguferð niður á ströndina þar sem tekið er á móti nýjum degi með léttum jóga-, öndunar- og teygjuæfingum.

Að afloknum morgunverði verður blönduð dagskrá, aldrei eins, en þó alltaf sú sama; að slaka á og njóta, vera til og njóta, upplifa og njóta, styrkja líkama og sál – og njóta! Léttar æfingar – stuttar gönguferðir – hugleiðsla – skoðunarferðir – uppbyggileg samtöl – sandur – slökun – sæla! Synda í einhverjum af sundlaugum hótelsins, rölta á ströndina, sækja sér D-vítamín og smá lit á kroppinn í sólstól eða fara í heita pottinn í sundlauginni á þaki hótelsins – eða í gott endurnærandi nudd í heilsulindinni.

Dagur 11 – fimmtudagur, 20. febrúar

Eftir morgunverð verður tími til þess að tylla sér aðeins í sólstól áður en ekið verður til flugvallarins.

Flugið er kl. 15:05 og lending á Keflavíkurflugvelli 20:35

Innifalið í verði ferðar:

Flug:

Flug og flugvalla-skattar, 23 kg taska og 10 kg handfarangur

10.02.2025: Icelandair, flug FI 580  Keflavík – Tenerife, brottför 08:40 lending 14:05

20.02.2025: Icelandair, flug FI 581 Tenerife – Keflavík, brottför 15:05 lending 20:35

Vinsaml. athugið að flugtímar geta breyst.

Gisting:

10 nætur á Tigotan 4**** hóteli á Amerísku ströndinni á Tenerife (Tigotan er 18+ hótel (engin börn))

Matur:

Morgunverðir innifaldir alla dagana – glæsilegt hlaðborð!

Kvöldverðir innifaldir alla dagana – mjög fjölbreytt kvöldverðahlaðborð

Akstur:

Akstur milli „Tenerife - suður“ flugvallarins og hótelsins í upphafi og lok ferðar

Ekki innifalið:    

Hádegis- og/eða miðdags hressingar | Drykkir með kvöldverðum |Annað sem ekki er talið upp í „innifalið“

Verð:

Verð á mann í tveggja manna De-Luxe herbergi                             389.900,-

Aukagjald fyrir eins manns herbergi (ath. takmarkað framboð)         70.000,-

Í boði eru líka De-Luxe herbergi með svalir sem snúa út að sundlaugargarðinum og svokölluðu HALF BOARD EXCLUSIVE*, en inni í því er aukin þjónusta og mun meira innifalið heldur en á almennum herbergjum

Verð:

Verð á mann í tveggja manna De-Luxe herbergi með Half board exclusive            439.900,-

Aukagjald fyrir eins manns herbergi (ath. takmarkað framboð)                                 80.000,-

*HALF BOARD EXCLUSIVE

• Ókeypis ein máltíð á Santa Rosa Grill veitingastað hótelsins (þarf að panta með fyrirvara – drykkir ekki innifaldir)
• Ókeypis aðgangur að sérstöku svæði „Exclusive Lounge“ setustofunnar þar sem finna má ýmsar gerðir af drykkjum og smáréttum. Hvert og eitt hjálpar sér sjálft með veitingarnar sem allar eru innifaldar. Opið milli 10:30 og 18:30 og veitingarnar eru í boði milli 11:00 og 18:00
• Kaffivél og ketill á herberginu, te, sykur, sætuefni og mjólk
• Baðsloppur og inniskór
• 15% afsláttur af nuddi o.fl. í heilsulind hótelsins
• Ókeypis notkun á öryggishólfi herbergisins
• Blanda af 12 áfengum og óáfengum drykkjum í kæli í herberginu – áfyllingu þarf að greiða
• Vatnsflaska á herberginu við komu (ekki endurnýjað)
• Með dags fyrirvara er hægt að bóka pláss á sólarbekkjum hótelsins, án endurgjalds

Greiðslur og gjalddagar:

Staðfestingargjald kr. 75.000 þarf að greiða strax við pöntun.

Hægt er að velja um tvær leiðir við greiðslu þess:

1)  Í gegnum heimabanka: Kt. 470898-2919 (Íslandsvinir hf.) banki 0328-26-000288 - ath að áríðandi er að láta kerfið senda staðfestingu á greiðslunni á netfangið ferdir@fjallakofinn.is með skýringunni < Sól og sál á Tene 2025>

2)  Greiðslutengill fyrir greiðslu staðfestingargjalds með kreditkorti (smellið á hlekkinn hér fyrir neðan eða takið afrit og límið á vafra):

https://securepay.borgun.is/SecurePay/Ticket.aspx?ticket=SLa76dxBa

Athugið að staðfestingargjald fæst ekki endurgreitt ef til afbókunar af hálfu viðskiptavinar kemur.

Lokagreiðsla:

Lokagreiðsla þarf að berast í allra síðasta lagi fimmtudaginn 12. des. 2024, annað hvort með millifærslu eða kreditkorti í gegnum greiðslutengil

Skráning hér á síðunni eða með því að senda tölvupóst á ferdir@fjallakofinn.is,

Farþegar í ferðum Fjallakofans-Ævintýraferða / Íslandsvina hf. fá sérkjör í Fjallakofanum