 |
10 dagar / 9 nætur |
 |
Ferðir til og frá flugvelli |
 |
24.02. - 04. 03. 2024 |
 |
Flug og flugvallaskattar |
 |
Hámark 30 |
 |
Halldór Hreinsson |
 |
Hálft fæði* |
|
|
Risafjöllin í Tékklandi
Skíðaferð til Špindlerův Mlýn - auk þess tvær nætur í Berlín í lok ferðar
Enn eitt árið ætlar Halldór Hreinsson að leiða hóp í skíðaferð til Tékklands, en segja má að í Krokonosk (Risa-) fjöllunum þekki hann aðra hverja þúfu - og síðan allar skíðabrekkur eins og lófann á sér!
Špindlerův Mlýn er stærsta skíðasvæði Tékklands. Samnefnt fjallaþorp er í þjóðgarði sem nefnist Krokonosk eða „Risafjöllin“, og stendur í uþb.720m hæð yfir sjávarmáli. Það er um 140 km norðan við Prag, rétt við landamæri Póllands og er ein vinsælasta útivistarperla Tékklands, bæði sumar og vetur.
Svæðið er rómað fyrir fjölbreytt úrval af skíðabrekkum fyrir allt skíðaáhugafólk. Á svæðinu eru einnig þrír snjóbrettagarðar, þar sem árlega eru haldin stór snjóbrettamót eins og t.d. Snow Jam. Svæðið hefur því mikið verið notað af atvinnumönnum til æfinga. Þar að auki eru frábærar skíðagöngubrautir út um allt og t.d. er hægt að ganga yfir til Póllands og til baka á sama deginum. Yngri kynslóðin getur einnig haft nóg fyrir stafni þar sem það eru tveir glæsilegir skíðagarðar á svæðinu þar sem blandað er saman skíðaiðkun og annarri skemmtilegri vetrarafþreyingu.
Í lok ferðar verður dvalið í tvær nætur á góðu hóteli í Berlín!
6 daga skíðapassi er innifalinn í verði ferðarinnar!
Špindlerův Mlýn er eitt besta skíðasvæði Tékklands hvort sem litið er til svigskíða- og snjóbrettabruns eða skíðagöngu. Það skiptist í tvo megin hluta;
Svatý Petr – Hromovka svæðið sem er með hátt í 7 kílómetra af lyftum og er hækkunin allt að 450m.
Mísečky – Medvědín svæðið sem er með vel yfir 7 kílómetra af lyftum og er hækkunin á svæðinu allt að 600m. Á báðum svæðum eru margir veitingastaðir og barir í brekkunum þar sem er hægt að gæða sér á ljúffengum veitingum.
Rétt er að vekja athygli á að talsverðar endurbætur og viðbætur hafa verið gerðar á brekkunum og svæðinu sem gerir gott svæði enn betra, þ.á.m. fleiri snjóbyssur en áður.
Á svæðinu eru einnig lögð spor fyrir skíðagöngufólkið og hægt að fara í lengri og skemmri ferðir til þess að skipta aðeins um takt frá bruninu í fjallinu!
* Morgunverðir alla dagana og kvöldverðahlaðborð á Harmony Club - ekki kvöldverðir í Berlín!
Smelltu á rauða Nánari upplýsingar hér til hliðar fyrir upplýsingar um verð, nánari ferðarlýsingu o.fl.
