RAFHJÓLAFERÐ UM STÓRBROTIÐ LANDSLAG ALPANNA, FRÁ SALZBURG Í AUSTURRÍKI SUÐUR TIL GRADO, Á ADRIAHAFSSTRÖND ÍTALÍU
UPPSELT - BENDUM Á SYSTURFERÐINA 6.-16. JÚNÍ
Stórbrotin náttúrufegurð blasir við nær og fjær þegar hjólað verður á átta dögum um Alpana og suður að Adríahafinu. Tignarlegir tindar og búsældarlegir dalir, og svo út á sléttuna í átt til sjávar
Leiðin er u.þ.b. 415 km svo að meðaltali eru það um 60 km á dag, heildar hækkun nærri 2.400 m og lækkun um 2.650 m. Dagleiðirnar teljast vera léttar til miðlungs erfiðar, fimm fyrstu í Austurríki og síðustu þrjár á Ítalíu - og rafhjólin gera hverja brekku að léttum hjólatúr um aflíðandi hæðir
Megnið af leiðinni verður verið á bundnu slitlagi á góðum hjólastígum, einstaka sinnum á umferðarlitlum götum, á smá köflum í aðeins meiri bíla umferð, en einnig að hluta á malarstígum.
Allan tímann verður farið um á þægilegum hraða til þess að njóta þess sem fyrir augu ber, og reglulega stoppað til þess að skoða áhugaverða staði, byggingar o.þ.h., að ógleymdu stórbrotnu landslaginu.
Í lok ferðar verður einn frídagur í Grado, fallegum bæ á Adriahafsströnd Ítalíu, milli Feneyja og Trieste.
Gist verður á góðum gistihúsum og hótelum.
Bíll fylgir hópnum meira og minna allan tímann og hann verður notaður til þess að ferja farangurinn á milli hótelanna. Bílstjórinn setur síðan öðru hvoru upp borð með léttum veitingum til hressingar og er líka til aðstoðar við hvað það sem uppá getur komið í ferðinni.
Þægilegar og fjölbreyttar dagleiðir, flestar u.þ.b. 50 – 60 km, og verandi á góðum raf-fjallahjólum hentar ferðin nánast hverjum sem er vanur – og hefur gaman af – að hjóla!
Algjör hjálmaskylda er í öllum okkar hjólaferðum 😊
Ferðaráætlun:
Dagur 1 - þriðjudagur, 22. september
Munchen - Salzburg
Flogið með Icelandair til Munchen kl 07:20 - áætluð lending 13:05 og við tekur u.þ.b. 2 ½ klst. þægileg lestarferð til Salzburg.
Zum Hirchen hótel 4****, Salzburg
Dagur 2 - miðvikudagur, 23. september
Salzburg (424 m.y.s.) – Bischofshofen (544 m.y.s.)
Byrjað í miðborg Salzburg og að mestu verður síðan Salzach ánni fylgt inn í töfraheim Alpanna – dagleiðin u.þ.b. 53 km
Dagur 3 - fimmtudagur, 24. september
Bischofshofen (544 m.y.s.) – Bad Gastein (1.002 m.y.s.)
Eftir að hafa fylgt Salzach í byrjun dags verður farið til vinstri og upp með Schwarzach ánni og með henni upp í Gastein dalinn – dagleiðin u.þ.b. 52 km
Dagur 4 - föstudagur, 25. september
Bad Gastein (1.002 m.y.s.) / Mallnitz (1.191 m.y.s.) – Spittal an der Drau (560 m.y.s.)
Fljótlega eftir að lagt verður af stað verður farið í lestina „Tauernbahn“ til bæjarins Mallnitz. Hann er í Kärnten, einu mikilvægasta ferðaþjónustuhéraði Austurríkis, staðsettu á suðurhlið Alpanna. Frá Mallnitz hjólað til Spittal an der Drau – dagleiðin u.þ.b. 59 km
Hotel Ertl 4****, Spittal an der Drau
Dagur 5 - laugardagur, 26. september
Spittal an der Drau (560 m.y.s.) – Villach (501 m.y.s.)
Stutt og laggott, en margt að sjá; frá Spittal eftir fallegum Drau dalnum til Villach – dagleiðin u.þ.b. 39 km
Dagur 6 - sunnudagur, 27. september
Villach (501 m.y.s.) – Tarvisio (754 m.y.s.)
Að mestu meðfram ánni Gail, á suðurhluta Vallacher Alpanna, í gegnum hluta af Dobratsch náttúruverndarsvæðinu og inn í Ítalíu – Dagleiðin u.þ.b. 37 km
Dagur 7 - mánudagur, 28. september
Tarvisio (754 m.y.s.) – Vensone (230 m.y.s.)
Fyrsti hlutinn farinn eftir hjólastíg sem lagður var ofaná aflagða lestarleið, í lok dags verður komið út úr Alpa-landslaginu sem einkennt hefur ferðina fram til þessa – Dagleiðin u.þ.b. 61 km, að hluta til á vegi með akandi umferð
Dagur 8 - þriðjudagur, 29. september
Venzone (230 m.y.s.) – Udine (113 m.y.s.)
Suður, í átt til sjávar, og hér má ekki gleyma að líta um öxl til að sjá tignarleg fjöllin í baksýn! – dagleiðin u.þ.b. 55 km
Hotel Allegria, Udine
Dagur 9 - miðvikudagur, 30. september
Udine (113 m.y.s.) – Grado (2 m.y.s.)
Nú verður rúllað létt síðustu kílómetrana, lokakaflinn er eftir rennisléttum stígum yfir Grado lónið – dagleiðin u.þ.b. 59 km
Hotel Hannover 4****, Grado
Dagur 10 - fimmtudagur, 1. október
Afslöppun í Grado
Farið á ströndina, kíkt á áhugaverðar byggingar, kannski siglt smávegis á Grado lóninu – tíminn er frjáls!
Dagur 11 - föstudagur, 2. október
Það er stuttur akstur vestur til Feneyja flugvallar - og flogið þaðan heim ...
Innifalið í verði ferðar:
Flug:
Flug og flugvalla-skattar, 23 kg taska og 10 kg handfarangur
22.09.2026: Icelandair, flug FI 532 Keflavík – Muchen, brottför 07:20 lending 13:05
02.10.2026: Icelandair, flug FI 949 Feneyjar – Keflavík, brottför 16:10 lending 18:50
Vinsaml. athugið að flugtímar geta breyst.
Hjól:
Leiga á góðum rafhjólum
Gisting:
Á góðum hótelum og gistihúsum í takt við áætlun ferðarinnar (sjá dagskrá hér ofar)
Matur:
Hálft fæði +* = morgunverðir alla morgnana - 10 x kvöldverðir - ,,hressingar" á hjólaleiðinni, þó ekki hádegisverðir
Akstur o.fl.:
Akstur milli hótels og flugvallar í lok ferðar
Tvær lestarferðir a) frá Muchen til Salzburg á fyrsta degi og b) á milli svæða á degi 4
Trúss á farangri milli hótelanna
Ekki innifalið:
Hádegis- og/eða miðdags hressingar | Drykkir með inniföldum kvöldverðum | Annað sem ekki er talið upp í „innifalið“
Verð:
Verð á mann í tveggja manna herbergi 599.900
Á mann í eins manns herbergi 689.900
UPPSELT - BENDUM Á SYSTURFERÐINA 6.-16. JÚNÍ
Skráning hér á síðunni eða með því að senda tölvupóst á ferdir@fjallakofinn.is
Farþegar í ferðum Fjallakofans-Ævintýraferða / Íslandsvina hf. fá sérkjör í Fjallakofanum
Félagar í Vildarklúbbi Icelandair safna punktum í þessu flugi - ekki er hægt að nýta Vildarpunkta Icelandair til greiðslu inn á hópferð sem þessa
