FLOTT RAFHJÓLAFERÐ UM FALLEGT SVÆÐI Í NORÐ-VESTUR HLUTA SLÓVENÍU
PÓSTKORTALANDSLAG ALLA DAGA!
Raf-fjallahjólaferð um lítið og afmarkað svæði í norð-vestur hluta Slóveníu, við og í Júlíönsku Ölpunum. Dagskráin er vandlega valin af fararstjórunum til þess að þátttakendur njóti sem best margs af því fallegasta sem þar er að sjá og upplifa:
Skíðasvæðin í Kranjska Gora og Planica; Vrsic skarðið og Rússavegurinn; upptök Sava árinnar (945 km, hún sameinast Dóná við Belgrad); fallegir dalir og Bled og Bohinj vötnin; Pokljuka hásléttan og Vintgar gljúfrið; tignarlegir tindar Júlíönsku Alpanna; og svo allt sem hægt er að sjá og gera í og við Bled – vinsælasta ferðamannastað Slóveníu! Segja má að það sé „póstkortalandslag“ hvert sem litið er!
Bíll fylgir hópnum alla hjóladagana, ökumaðurinn setur öðru hvoru upp borð með léttum veitingum til hressingar
Í lokin skipt algjörlega um gír; farið til Ljubljana, höfuðborgar Slóveníu, um Škocjanske jame neðanjarðargljúfrið, þá stórkostlegu náttúrusmíð, og endað á flottri fjölrétta máltíð hjá Samo og hans fólki í Štanjel kastalanum
Algjör hjálmaskylda er í öllum okkar hjólaferðum 😊
Ferðaráætlun:
Dagur 1 – þriðjudagur – 1. september
Flogið til Feneyja – ekið til Slóveníu
Flogið með Icelandair til Feneyjaflugvallar og við tekur rútuferð til Kranjska Gora sem er í efri Sava dalnum í Slóveníu - uþb. 230 km / 3 klst.
Fyrstu þrjár nætur ferðarinnar verður dvalið á Triangel Boutique, flottu 4**** hóteli í útjaðri skíðabæjarins fræga.
Dagur 2 – miðvikudagur – 2. september
Upptök Sava og Planica dalurinn
Mjór er mikils vísir; upptök Sava árinnar eru á fallegu svæði í samnefndum dal, skammt austan landamæra Slóveníu og Ítalíu. Planica dalurinn gengur þar í suður, inn í Júlíönsku Alpana, þar er flott skíðastökk-svæði sem er notað til æfinga á sumrin og gaman að fylgjast með svífandi ofurhugum.
U.þ.b. 35 km – hækkun/lækkun u.þ.b. 540m
Dagur 3 – fimmtudagur – 3. september
Vršič skarðið
Hjólað um „Rússaveginn“, sem gerður var upp í Vrsic skarðið (1.611 m.y.s.) af rússneskum stríðsföngum í fyrri heimsstyrjöldinni. Rússavegurinn er magnað mannvirki; átakanleg sagan og stórkostleg náttúrufegurðin alltumlykjandi – algjörlega mögnuð dagleið!
U.þ.b. 40 km – hækkun/lækkun u.þ.b. 900m
Dagur 4 – föstudagur – 4. september
Vrata dalurinn og norðurhlið Triglav – til Bled
Byrjað verður á að hjóla inn Vrata dalinn til þess að sjá hamrastálið á norðurhlið Triglav, hæsta fjalls Slóveníu, síðan til baka niðurundir bæinn Mojstrana og þaðan að fjallabaki suðaustur til Bled bæjarins við samnefnt vatn.
Dvalið á Park 4**** hóteli í Bled næstu þrjár nætur
U.þ.b. 50 km – hækkun u.þ.b. 640m/lækkun u.þ.b. 890m
Dagur 5 – laugardagur – 5. september
Rölt og rólegheit í Bled
Dagurinn nýttur í að sigla með „pletna“ út í Bled eyjuna og ganga upp í Bled kastalann
Dagur 6 – sunnudagur – 6. september
Vintgar gljúfrið, Bled og nágrenni ...
Hjólað að Vintgar gljúfrinu og síðan gengið eftir því ofan blátærrar árinnar, að mestu á brúm og góðum stígum.
Hvorki langur dagur né margir kílómetrar, en mjög fjölbreyttur!
Dagur 7 – mánudagur – 7. september
Pokljuka hásléttan
Nú verður farið með rútu (með hjólin) upp í Pokljuka, sem er háslétta uppaf Bled og Bohinj vötnunum og liggur í áttina að Triglav; seljabúskapur, skíðagöngusvæði, skógrækt, dýralíf – og náttúrufegurð!
U.þ.b. 45 km – hækkun u.þ.b. 700m/lækkun u.þ.b. 1.410m
Komið inn á hótel Ribno skammt frá Bled seinnipartinn, þar sem dvalið verður næstu tvær nætur
Dagur 8 – þriðjudagur – 8. september
Bohinj vatnið og Vogel
Nýr hjólastígur milli Bled og Bohinj verður aðalleið dagsins í skoðunarferð um fallegt landslagið milli vatnanna. Svo farið með kláfi upp á Vogel til þess að sjá yfir Bohinj vatnið og næsta nágrenni þess.
U.þ.b. 70 km – hækkun/lækkun u.þ.b. 740m
Dagur 9 – miðvikudagur – 9. september
Ljubljana og Lipica
Eftir morgunverðinn verður ekið til höfuðborgarinnar Ljubljana, farið í gönguferð um miðborgina og upp að kastalanum, en síðan haldið afram til Lipica og inn á hótel Maestoso gott 4**** hótel, þar sem dvalið verður síðustu tvær næturnar.
Dagur 10 – fimmtudagur – 10. september
Lipizzan, Škocjan og Stanjel
Byrjað á að fara í skoðunarferð um stórkostlegt náttúruvætti Škocjan glúfursins. Síðan verður Lipica hestabúgarðurinn heimsóttur til þess að sjá Lipizzan hestana, eitt frægasta sýningarhrossakyn heims, deginum lýkur svo með bíltúr til litla þorpsins Štanjel, þar sem Simo Komel og hans fólk í gamla Štanjel kastalanum töfra fram ótrúlega máltíð þar sem skilningarvitin eru virkjuð í útliti, lykt, áferð og bragði í fjölbreyttum réttum - eftirminnileg veisla!
Dagur 11 – föstudagur – 11. september
Heim á leið
Farið með rútu til Feneyjaflugvallarins, flugið er kl. 16:10, áætluð lending um kl 18:50
Innifalið í verði ferðar:
Flug og flugvalla-skattar
1. september: Icelandair FI 948 Keflavík – Feneyjar, 08:20 lending 15:00
11. september: Icelandair FI 949 Feneyjar – Keflavík, 16:10 lending 18:50
Taska að hám. 23 kg. og handfarangur hám. 10 kg. innifalin
– Vinsamlegast athugið að flugtímar geta breyst.
Gisting
Samtals 10 nætur; 3 í Kranjska Gora, 3 í Bled, 2 skammt frá Bled og 2 í Lipica
Máltíðir
Morgunverðir Innifaldir alla dagana
Kvöldverðir Innifaldir alla dagana
Hressingar á hjólaleiðunum, telst þó ekki hádegisverður
Flutningur
Allur akstur samkvæmt áætlun ferðarinnar
Aðgangseyrir o.þ.h.
- um Vintgar gljúfrið
- í Bled kastalann
- í kláfinn upp á Vogel
- sigling með pletna-báti á Bled vatninu
- í Škocjan glúfrið
- á Lipica hestabúgarðinn
Hjólaleiga
Raf-fjallahjól í 6 daga
Fararstjórn
Brandur Jón Hrannarson Guðjónsson (með hópnum allan tímann) – Robert Ciglar (hjólaferðarstjóri) – Zvone Hocevar (bílstjóri og aðstoðarmaður)
Ekki innifalið:
- hádegishressingar
- drykkir með kvöldverðum
- aðgangur að öðru en upptöldu í „Aðgangseyrir“ hér fyrir ofan
- annað það sem ekki er talið upp í „innifalið“
Verð, greiðslur og gjalddagar:
Verð á mann í tveggja manna herbergi Kr. 649.900
Á mann í eins manns herbergi Kr. 789.900
Greiðslur og gjalddagar:
Staðfestingargjald, kr. 100.000 þarf að greiða strax við skráningu í ferðina - ath. að það er óafturkræft ef þátttakandi hættir við.
Til greiðslu þess eru tvær leiðir sem valið er á milli við skráningu í ferðina; millifærslu í gegnum heimabanka eða með kreditkorti.
Þegar nær dregur verður með tölvupósti kallað eftir lokagreiðslu þátttökugjaldsins
Skráning hér á síðunni eða með því að senda tölvupóst á ferdir@fjallakofinn.is
Farþegar í ferðum Fjallakofans-Ævintýraferða / Íslandsvina hf. fá sérkjör í Fjallakofanum
* Félagar í Vildarklúbbi Icelandair safna punktum í þessu flugi - ekki er hægt að nýta Vildarpunkta Icelandair til greiðslu inn á hópferð sem þessa
